رامي جمال (أرشيف)
رامي جمال (أرشيف)
الإثنين 11 نوفمبر 2019 / 19:35

نجوم الفن يدعمون رامي جمال بعد إصابته بالبهاق

24-القاهرة-صلاح محمد

دعم عدد من نجوم الفن، المطرب رامي جمال، بعد إعلانه عن اصابته بمرض البهاق الجلدي، وتفكيره جدياً في اعتزال الغناء والتلحين خوفاً من تعرضه للتنمر بسبب المرض.

ونشر المطرب تامر حسني صورة تجمعه بـ "جمال"، عبر صفحته الرسمية بموقع "فيس بوك"، وعلق عليها قائلاً: "يا حبيبي أنت فنان كبير ومحبوب وليك قيمتك، وكل الناس بتحبك ومفيش حاجة هتعطلك عن نجاحك، وتعبك دا لا هو مؤذي ولا معدي وكل الناس جواها تعب في منه اللي ظاهر وفي منه اللي مش ظاهر".

وأضاف "لازم تكمل نجاح يا رامي وشيل أي هلاوس من دماغك واوعى تخبي نفسك، وبعدين افتكر إن مايكل جاكسون جاله نفس اللي جالك وبقى أسطورة مبتتكررش خالص وأنت فنان وعارف، هفكرك قدام الناس اللي شايفة كلامي إنك هتنجح أكتر وأكتر، وربنا هيكرمك أجمل كرم وهتشوف قريب، بحبك يا رامي.

ودعمت إليسا، رامي جمال، بتغريدة عبر حسابها بموقع "تويتر" قائلة: "ممنوع تغيب وممنوع يكون البهاق عذر لغيابك، أنت بتقول ابتليت بالبهاق بس مش سبب لتخاف وتغيب، في ناس ابتليت بالكذب والخيانة والسرقة وما هزت، وجودك أساسي ومثل ما أنت بتقول، أصل الحكاية مش حكاية شكل، حكاية روح".

وطالبت الفنانة زينة، المطرب الشاب، بعدم التفكير في قرار الاعتزال، حيث نشرت صورة له عبر حسابها بتطبيق "انستجرام"، وعلقت عليها قائلة: "إنسان محترم ربنا يعفو عنك، للأسف احنا في دنيا مبترحمش، والناس بقيت صعبة فياريت نحاول يكون في قلوبنا رحمة، أنت انسان موهوب يمكن أنا متشرفتش بمعرفتك بس قلبي معاك، واوعى تفكر تتهزم، ده مرض عادي وربنا يعفو عنك، وقول الحمد لله، والناس الرحيمة كتير، واعتبرني من أهلك والإنسان بموهبته واحترامه وأخلاقه وبس".

وداعب الفنان حمدي الميرغني، رامي جمال، بتعليقه على أزمة الأخير قائلاً: "ربنا يشفيك يا رامي، ده مش حاجة أصلاً، ده الصداع أصعب منه يا أخويا، الناس كلها بتحبك، وكل ما تشوفني احمد ربنا وأعرف إنك في نعمة".

وساندت الفنانة إيمان العاصي بتعليقها على منشور رامي صبري قائلة: "حبيبي يا رامي، أنت أقوى من أي حاجة، أنت فنان وموهوب ونجم وكل ده ولا حاجة قصاد نجاحك وحبك لفنك، ربنا يقدرك علي الناس عديمة الإحساس، ربنا يخليلك ناريمان بالدنيا".

وعلق الفنان محمد نور على أزمة رامي جمال الصحية قائلاً: "ايه اللي أنت بتقوله ده، دي حاجة عادية زي أي حاجة، أنت جميل وكل الناس بتحبك، فنان كبير وأنا من جمهورك، وأول واحد قولتلك لازم تغني، أخويا وصاحب عمري، بحبك أد الدنيا".

وطالب الفنان أحمد زاهر، رامي جمال، بتقديم أغان جديدة خلال الفترة المقبلة، حيث كتب: "حبيبي يا رامي أنت أقوي من أي مرض، واحنا كلنا بنحبك وهنفضل نحبك مهما حصل، واللي بيحب حد يقبله على أي وضع، مستنين أغانيك الجديدة يا فنان يا جامد".

يذكر أن رامي جمال أعلن إصابته بمرض البهاق عبر حساباته بمواقع التواصل الاجتماعي، مؤكداً أنه تردد على كثير من الأطباء وتعاطى عدداً من الأدوية ولكن دون جدوى، مشيراً إلى أنه يعاني من هذا المرض منذ عام كامل، حيث أكد أنه يدرس قرار اعتزال الفن حال عدم تقبل جمهوره لشكله.